Little Orphan Annie

La pequeña güérfana Annie
Little Orphan Annie
Publicación
Formatu	impresu
Última edición	13 de xunu de 2010
Editorial	Tribune Media Services
Direición artística
Creador(es)	Harold Gray
[editar datos en Wikidata]

Little Orphan Annie foi una tira de prensa diaria d'Estaos Xuníos creada por Harold Gray y publicada por Tribune Media Services. El nome de la tira provién del poema de 1885 "Little Orphant Annie", de James Whitcomb Riley, y foi publicada per primer vegada'l 5 d'agostu de 1924 nel periódicu neoyorquín Daily News. En 1937, ocupó'l primer puestu nuna llista compilada pola revista Fortune sobre les historietes más populares.

La historieta narra les aventures de Annie, el so perru Sandy y el so benefactor Oliver "Daddy" Warbucks. Los personaxes secundarios más importantes son Punjab, la cobra y el Sr. Am. La tira atraía a los llectores adultos pol so conteníu políticu, que criticaba, ente otres coses, a los sindicatos, al New Deal y al comunismu.

En 1968, dempués del fallecimientu de Gray, dellos artistes siguieron cola historieta y por un tiempu volvieron publicar ediciones antigües. Little Orphan Annie inspiró un programa de radio en 1930, adautaciones cinematográfiques de RKO en 1932 y de Paramount en 1938 y un musical de Broadway, Annie, en 1977. La popularidá de la tira foi escayendo col correr de los años y yera publicada solo en venti periódicos cuando foi atayada, el 13 de xunu de 2010.